Облыстық Абай және Махамбет оқуларының қорытындысы

«Рухани жаңғыру» бағдарламасын жүзеге асыру аясында 2021 жылдың 22-23 сәуірінде облыстық Абай және Махамбет оқулары өтті.

Абай және Махамбет оқуларының негізгі міндеті - Абай мен Махамбет шығармашылығын насихаттау, оқушылардың мәдениетін, эстетикалық талғамын, шығармашылық қабілеттерін қолдау және дамыту.

Екі күн бойы Абай мен Махамбет шығармашылығының әуесқойлары сүйікті ақындарының шығармаларын білу бойынша сайысқа қатысып, өздерінің ақындық және шешендік шеберліктерін көрсетті.

Оқуларға облыстың 17 өңірінен барлығы 105 оқушы қатысты. Ауданымыздан 5 оқушы қатысып, Өлеңді негізгі орта мектебінің 8 сынып оқушысы Қасымқан Гүлім "Абайдың ақын шәкірттерінің шығармалары" номинациясы бойынша 3 орын алды.